Polisia.kz Ақмолалық полицейлерге ұрлықты ашуға қызметтік ит көмектескенін хабарлады.
7 ақпанда сағат 12:00-де Ақкөл аудандық полиция бөліміне Ақкөл қаласының 71 жастағы тұрғынының 5-6 ақпан аралығында белгісіз тұлғалар құлыпты бұзып, үйден ара мен музыкалық колонка ұрлағаны туралы өтініші келіп түскен. Келтірілген шығын 30 мың теңгені құрады.
Жедел-іздестіру шаралары барысында күдіктілердің жеке басы анықталды. Оқиға орнына келген жедел-тергеу тобының құрамында кинолог Абылай Ержанов және Герда атты қызметтік-іздестіру иті болды. Қызметтік ит иіс ізін алып, полиция қызметкерлерін ұрлық орнынан 700 шақырым қашықтықта орналасқан аулаға апарды, онда қаскүнемдердің бірі экономикалық ғимаратта ұрланған араны жасырған.
Бұрын сотты болмаған Ақкөл қаласының 19 жастағы тұрғыны мен Ақкөл ауданының 22 жастағы тұрғыны бұл әрекетін мойындады. ҚР ҚК 188-бабы 3-бөлігі (Ұрлық) бойынша сотқа дейінгі тергеу жүргізіліп жатыр.
Оқи отырыңыз:
- Көршісінің 16 қойын ұрлаған Түркістан облысының тұрғыны ұсталды
- Алматы облысында өзгенің 76 бас малын қарызын өтеу үшін сатып жіберген алаяқ қойшы ұсталды
Тағы бір ұрлық 8 ақпанда аудандық полиция бөліміне Ақкөл қаласының 56 жастағы тұрғыны белгісіз тұлға үйінен құны 170 мың теңге тұратын Redmi-4k теледидарын ұрлап әкеткені туралы арызданған. Жедел-іздестіру іс-шаралары барысында күдіктінің жеке басы анықталды. Ол Ақкөл қаласының 26 жастағы тұрғыны болып шықты. Күдіктінің айтуынша, 8 ақпанда түскі уақытта ол көрші тұратын жәбірленушінің үйіне келген. Оның үйде еместігін көрген қаскүнем кіреберісте күткен. Қаскүнем пәтерлердің есігінің үстінде жасырылған бірінің кілтін тауып, пәтерге кіріп, теледидарды ұрлап әкеткен.
Герда қызметтік-іздестіру иті ізді алып, полиция қызметкерлерін қаскүнем теледидарды жасырған жерге апарды. Қылмыс ашылды. ҚР ҚК 188-бабы 3-бөлігі (Ұрлық) бойынша сотқа дейінгі тергеу жүргізіліп жатыр.
