Алматыда қала орталығындағы кафенің кірберісі бұзылды

Сәтбаев көшесі, 4а мекенжайындағы Juz кафесінің жанындағы құрылыс рұқсат құжаттарынсыз салынған. Бұл туралы Алматының қала құрылысын бақылау басқармасынан хабарлады.

Сонымен қатар ол ерекше қажеттіктері бар адамдарға арналған пандусты қосып алып, жалпы аумақта орналасқан. 

"2024 жылғы 4 қазанда жоспардан тыс тексеру барысында ALMA Construction and Design ЖШС жалға алушысына қатысты тұрғынның өтініші негізінде басқарма әкімшілік құқық бұзушылық жөніндегі мамандандырылған ауданаралық сотқа материалдарды жіберді әрі әкімшілік шаралар қабылдады. 2024 жылғы 22 қарашада сот заңсыз тұрғызылған құрылыстарды бұзу туралы қаулы шығарды және бір айдан кейін, 27 желтоқсанда Алматы қалалық сотының қаулысымен бірінші сатыдағы шешім өзгеріссіз қалды", – делінген хабарламада. 

Бұзу бүгін қаланың Әділет департаментінің сот орындаушыларының қатысуымен басталды.