Электр пойызымен жол жүру құны 3 122 теңге болатын.
2017-2021 жылдар аралығында Алматы – Қонаев (бұрынғы Қапшағай – ред.) және Алматы – Қазыбек би бағыттары бойынша электр пойызы жүрген болатын. Алайда жолаушылар аздығына байланысты аталған пойыздар тоқтады, деп хабарлады ҚазАқпарат агенттігі Алматы қаласы әкімдігінің баспасөз қызметі.
"Жолаушылар аз болғандықтан, Алматы – Қонаев бағытындағы теміржол қатынасы тоқтатылды. Электр пойызымен жол жүру құны 3122 теңге болатын", – делінген әкімдік хабарламасында.
Оқи отырыңыз: Тоқаев: Қапшағайға Қонаевтың есімін беру туралы ұсыныс болса, мен қолдаймын
Алматы – Қонаев теміржолы 71 шақырымға созылып жатыр. Жол ұзақтығы – 1,5 сағат.
