Қазақстан жасөспірімдері Жаңа Зеландияны 3:0 есебімен ұтты.
Шымкент қаласында 16 жасқа дейінгі жастар арасында Азия – Тынық мұхиты аймағы бойынша өтіп жатқан әлем чемпионатының іріктеу кезеңінде Қазақстан жасөспірімдері Жаңа Зеландияны 3:0 есебімен ұтты, деп хабарлайды ҚТФ баспасөз қызметі.
Заңғар Нұрланұлы 58 минутта Фин Уилманды 6:0, 6:1 есебімен тізе бүктірсе, Әмір Омарханов Кай Милборнды 6:1, 6:2 есебімен жеңді.
Оқи отырыңыз: Әбілхан Аманқұл Канелоның бокс кешінде мексикалық қарсыласын нокаутпен жеңді
Сондай-ақ Әмір Омарханов пен Дамир Жалғасбай жұптық сында қарсыластарынан 6:3, 6:2 есебімен басым түсті.
