Астанада 1 маусымда өтетін "Charity Samruk Marathon 2024" қайырымдылық марафонына тіркеу жүріп жатыр. Бұл туралы "Самұрық-Қазына" қорының баспасөз қызметі хабарлады.
Ауқымды спорттық іс-шара елордада мыңдаған жүгіру әуесқойының басын қосады деп жоспарланған.
Марафонға Samruk Marathon сайтында тіркелуге болады.
Марафоншылар 5-10 шақырымдық қашықтықтарда жүгіреді. Сондай-ақ, балаларға арналған 400 және 1000 метрлік қашықтықтар бар. Марафонға барлығы мыңнан астам адам қатысады деп жоспарланған.
Қайырымдылық марафонынан жиналған қаражат Samruk-Kazyna Trust қайырымдылық қорының есебіне түсіп, балалардың еміне бағытталған әлеуметтік жобаларды қолдауға жұмсалады.
Оқи отырыңыз: "Самұрық-Қазына" жыл сайын "Қазақстан халқына" қорына табысының 7 пайызын аударады
