Finprom.kz сарапшылары еліміздің қай өңірінде домбыра музыкалық аспабына сұраныс көп екенін зерттеді. Олардың мәлімдеуінше, бұл аспапты негізінен Маңғыстау және Алматы облыстарының тұрғындары көп қолданады.
"Қала тұрғындарын клавиатуралық музыкалық аспаптар қамтамасыз етудегі айырмашылық ауыл азаматтарымен салыстырғанда айтарлықтай байқалады. Мұндай музыкалық құралдар қала тұрғындары арасында 3,6 есе жиі кездеседі. Ал ауылдық жерлерде – 0,5 пайызды құрайды", – дейді сарапшылар.
Оқи отырыңыз: "Қазақтан бұрын домбыра болған". Домбыраның тарихын білесіз бе?
Жалпы еліміз бойынша 2020 жылы зерттелген үй шаруашылықтарының 9,6 пайызында домбыра болған (бір жыл бұрын – 7,9%). Бұл ретте ауылдық жерлерде "домбыра индексі" 14,2 пайызды (бір жыл бұрын – 11,7%), қалалық жерлерде тек 7 пайызды (бір жыл бұрын – 5,8%) құрады.
Қазақстан Республикасы аймақтарының ішінде домбыраның үй шаруашылығында болу жиілігі респонденттердің 3,5%-дан (Қостанай облысында) 22,1%-ға дейін (Маңғыстау облысында) түрленеді.
