Қарағанды облысы Теміртау қаласы орталық мешітіне мемлекет және қоғам қайраткері, Алаш көсемі, халқымыздың біртуар перзенті – Әлихан Нұрмұхамедұлы Бөкейханның есімі берілді, деп хабарлады Қазақстан мұсылмандары діни басқармасының баспасөз қызметі.
"Тірі болсам, қазаққа қызмет қылмай қоймаймын" деп өзіне серт берген Алаш арысының есімі мешітке берілуінің тарихи себептері бар. Әлихан бабамыз қазақтың болашағы үшін аянбай еңбек етіп, Алаш партиясын құрды. Қазақ баласының білімді, парасатты болуын мақсат етіп, талай дарынның болашағына жол көрсеткен", – делінген ҚМДБ ресми сайтында.
2020 жылы Қазақстан мұсылмандары діни басқармасының шешімімен Семей қаласының Суықбастау кентіндегі мешітке Әлихан Бөкейханның есімі берілген болатын.
Оқи отырыңыз: Жапон мен қазақ: Жақын мен қашық
