Қазіргі Қазақстан екі жыл бұрынғы Қазақстаннан өзгеше, деп мәлімдеді президент Қасым-Жомарт Тоқаев Астана халықаралық форумында сөйлеген сөзінде.

"Қазақстанда әділеттілік, заң үстемдігі, теңдік пен әділеттілік қағидаттарын енгізу бойынша жаңа реформаны қолға алып жатырмыз. Менің кредом анық айтылған: заңдылық пен тәртіп. Бұл "Жаңа Әділетті Қазақстанды" құрудың берік іргетасы. Біз өте қысқа мерзімде институттарымызды реформаладық, президенттің өкілеттіктерін шектедік, Конституцияға өзгерістер енгіздік, саяси және экономикалық жүйені қайта іске қостық, жемқорлықтың тамырын жойдық. Демек, қазіргі Қазақстан, айталық, екі жыл бұрынғыдан өзгеше. Қолданыстағы жүйені өзгерту бойынша реформалар әлі аяқталған жоқ", – деді президент.

Сонымен қатар президент Қазақстан жаһандық және өңірлік әріптестерімен достық қарым-қатынасты сақтауға бар күш-жігерін салатынын айтты.

Айта кетейік, елордада Астана халықаралық форумы өтіп жатыр. Әлемнің үздік сарапшылары жаһандық мәселелердің шешімін табу үшін бас қосты. Форумның басты тақырыбы – "Диалог арқылы сын-қатерлерді еңсеру: ынтымақтастық, даму және прогресс жолында".