Мемлекет басшысы Қасым-Жомарт Тоқаев Қазақстан-Корей бизнес форумында оңтүстіккореялық инвесторлар мен девелопер компанияларды "Алатау City" ақылды қала" жобасына атсалысуға шақырды, деп хабарлады Ақорда.

"Қалаларды дамыту және адам өміріне жайлы жағдай жасау саласындағы ықпалдастықты күшейту қажет. Біз Сингапур компанияларымен серіктесе отырып аумағы арнайы экономикалық аймаққа жатқызылған Alatau City атты жаңа "ақылды қала" салуға кірістік", – деді президент.

Оқи отырыңыз: Қасым-Жомарт Тоқаев Ақордада Оңтүстік Корея президентін қарсы алды

Мемлекет басшысы бұл шаһарды тек Қазақстан үшін ғана емес, тұтас Орталық Азия үшін жетекші халықаралық хабқа айналдыру жоспарланғанын еске салды. 

"Оңтүстік Корея инвесторлары мен девелопер компаниялар осы бастамаға белсенді үлес қосады деп үміттенеміз", – деді Қасым-Жомарт Тоқаев.