Ашық НҚА порталында жарияланған "Білім беру объектілеріне қойылатын санитариялық-эпидемиологиялық талаптар" санитариялық қағидаларының жаңа мазмұнына сәйкес, енді колледждер мен жоғары оқу орындарында дәрісхана, оқу кабинеті, зертханаларды жертөлеге орналастыруға рұқсат беріледі.

Денсаулық сақтау министрлігінің Санитариялық-эпидемиологиялық бақылау комитеті бекіткен ережедегі "Дәрісханалар, оқу кабинеттері, зертханалар жерүсті қабаттарда орналасуы тиіс" деген талапты алып тастау көзделіп отыр.

"Объектінің жертөле және цокольдық қабаттарындағы үй-жайлар сәулет, қала құрылысы және құрылыс саласындағы мемлекеттік нормативтердің талаптарына сәйкес орналастырылады" делінген құжаттың жаңа жобасында.

Оқи отырыңыз: 

Құжат жобасының авторларының түсіндіруінше, бұл өзгеріс Сәулет, қала құрылысы және құрылыс саласындағы мемлекеттік нормативтерге сәйкес келтіру мақсатында жасалып отыр.