Қазақстанның мемлекеттік қарызы 27 трлн теңгені құрайды, деп хабарлады қаржы министрі Мәди Тәкиев.

"2024 жылдың 1 қаңтарындағы жағдай бойынша мемлекеттік қарыз 27 триллион теңгені құрайды. ЖІӨ-ге қатысты ол 22,8 пайызды құрайды. Бізде әлі де шектеу бар, бізде белгіленген лимит бар - 32 пайыздық шектеу қауіпсіз деп саналады", - деді Мәди Тәкиев Үкімет отырысында.

2022 жылы Қазақстанның мемлекеттік қарызы 15,2%-ға өсіп, 25,3 трлн теңгеге (54,7 млрд доллар) жетті.

Jusan Analytics сарапшыларының мәліметінше, 2023 жылдың 1 қазанындағы жағдай бойынша мемлекеттік қарыз 29,16 триллион теңгені құраған.

Оқи отырыңыз: Қазақстанда көлік салығын төлемегендердің қарызы 
22,4 млрд теңгеге жетті

2023 жылдың желтоқсанында Мәжіліс депутаты Ерлан Саиров Қазақстанның мемлекеттік қарызының көлемі жалпы бюджеттің 40 пайызын құрайтынын түсіндірді. Ол бұл жағдайға алаңдаушылық білдірді.