"Жолаушылар тасымалы" АҚ өкілдері елімізде жолаушылар пойызы вагондарының қанша пайызында кондиционер бар екенін мәлімдеді. Бұл туралы Mgorod.kz жазды. 

Олардың айтуынша, елімізде 2,1 мыңнан астам вагонда (бұл – автопарктің 78 пайызы) кондицонер орнатылған. 

"Вагондардың 22 пайызында өндірушінің дизайнында қарастырылмаған. Мұндай көліктерде апатты жағдайдан басқа барлық кезде терезе ашуға болады. Кондиционер жоқ вагондар алдағы жылдарда қызмет ету мерзіміне сәйкес алып тасталынады. Барлық заманауи вагон қазірдің өзінде кондиционерлермен жабдықталған", – делінген хабарламада. 

Оқи отырыңыз: 15 жастан асқан балалар пойызда тек бір құжатпен жүре алады

"Жолаушылар тасымалы" АҚ 2025-2030 жылдар аралығында Қазақстанға 537 жаңа вагон келетінін мәлімдеді. Оларда кондиционер, бейнебақылау камерасы, экологиялық таза дәретхана, электр розеткалары және USB бар.

Оқи отырыңыз: Пойыз кешіккен жағдайда төленетін өтемақы мөлшері қандай?