Бүгін Қазақстанда "Бүркітші қыз – Айшолпан" деректі фильмінің алғашқы көрсетілімі өтті. Айшолпан Нұрғайыпқызының өмірі туралы фильм осы уақытқа дейін шетелдік кинотеатрларда көрсетілген еді, деп хабарлайды SDU баспасөз қызметі.

Туынды 2014 жылдың шілде айы­нан бастап екі жарым жыл ішінде түсірілді. Фильмде бүркітшілік өнері туралы ғана емес, қазақтың салт-дәстүрі, әке мен бала арасындағы тәрбие баяндалады.

Фото Аяжан Дәуіталиеваның Facebook парақшасынан алынды

Фильмнің режиссері – Отто Белл, ал продюсері әрі дыбыстаушысы Дейзи Ридли болды. Туындының негізінде анимациялық фильм жасау құқығы 2 миллион долларға бағалан болатын. Бұл құқық аясына, сондай-ақ, әлемнің бірқатар еліне тарату мүмкіндігі де кірді.

13 жасар қыздың өмірін арқау еткен деректі фильм Оскар сыйлығына үміткер үздік 15 фильмнің қатарына енді.

Оқи отырыңыз: "Балаларды атбегілікке баулимыз". Оралдық ұстаздар қалай ұлттық ат спортын дамытып отыр?