Қазақстандық оқушылар 55-ші халықаралық химия олимпиадасында бір алтын, екі күміс және бір қола медаль жеңіп алды.Интеллектуалдық жарыста әлемнің 88 мемлекетінен 350-ден астам оқушысы қатысты. Олимпиада 16-25 шілде аралығында Швейцарияның Цюрих қаласында өтті.

Қазақстан құрама командасының атынан төрт оқушы қатысып, бір алтын, екі күміс және бір қола медаль жеңіп алды, химия бойынша медальдар қорының сапалық құрамын жаңартқан жеңімпаздар:

  • Санжар Бисенәли – Астана қаласындағы ДББҰ "ФМБ НЗМ" 12-сынып оқушысы – алтын медаль;
  • Ринат Илюсизов – Павлодар қаласының дарынды балаларға арналған № 8 лицей-мектебінің 10-сынып оқушысы – күміс медаль;
  • Альмира Нурланова – Ақтау қаласындағы ДББҰ "ФМБ НЗМ" 12-сынып оқушысы – күміс медаль;
  • Бекболат Мамырбеков – Шығыс Қазақстан облыстық дарынды балаларға арналған мамандандырылған "БИЛ" 11-сынып оқушысы – қола медаль.

"Үздік төрттіктің" жетекшілері — республикалық және халықаралық олимпиадалардың бірнеше дүркін жеңімпаздары Әзім Аманжолов пен Азамат Жақсылықов.

Оқи отырыңыз: Қазақстан оқушылары халықаралық байқауда түгел медаль алды

Айта кетейік, ірі халықаралық олимпиадалардағы жеңіс оқушыларға конкурстан тыс негізде еліміздің жоғары оқу орындарына грант, ақшалай сыйақы алуға мүмкіндік береді. Олардың тәлімгері де марапатталады.

Оқи отырыңыз: Қазақстанның жас әншісі халықаралық байқаудың гран-приін жеңіп алды