Президент Қасым-Жомарт Тоқаев  республикалық "Ардагерлер ұйымы" қоғамдық бірлестігі Орталық кеңесі төрағасының орынбасары Өмірзақ Озғанбаевты қабылдады, деп хабарлады Ақорданың баспасөз қызметі. 

Кездесу барысында еліміздің дамуына және өскелең ұрпақ тәрбиесіне қатысты мәселелер талқыланды.

Мемлекет басшысы аға буынды Атырауда өткен Ұлттық құрылтайда, Қазақстан халқы Ассамблеясының ХХХІІІ сессиясында айтылған міндеттерді жүзеге асыруға, атап айтқанда жастарды нашақорлық, лудомания секілді әлеуметтік кеселдерден сақтандыру, отбасы институтын дәріптеу ісіне белсенді атсалысуға шақырды.

Оқи отырыңыз: Тоқаев АӨСШК бас хатшысы Қайрат Сарыбайды қабылдады

Өмірзақ Озғанбаев президентке ауылдық жерлерді дамытуға қатысты пікірін айтты. Сонымен қатар "Ардагерлер ұйымының" бастамасы бойынша атқарылып жатқан жұмыстар мен алдағы жоспары жөнінде баяндады.