Еңбек министрлігі жаңадан кәсіп бастағандарға қандай көмек көрсетілетінін жария етті. Осы мақсатта жәрдемдесу шаралары ұйымдастырылып қана қоймай, қаржылай көмек көрсетіледі.   

Жаңа бизнес идеяларды іске асыруға арналған гранттар халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін (2023 жылы – 1 380 000 теңге) беріледі, оларға мыналар жатады:

  • атаулы әлеуметтік көмек алушылар;
  • төрт және одан да көп бірге тұратын кәмелетке толмаған балалары бар көп балалы отбасыларға, оның ішінде жалпы орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысанында оқитын балаларға, олар 18 жасқа толғаннан кейін білім беру ұйымдарын бітірген уақытқа дейін ай сайынғы мемлекеттік жәрдемақы алушылар (23 жасқа толғанға дейін) және оның жұбайы;
  • асыраушысынан айырылу жағдайы бойынша әлеуметтік төлем алушылар;
  • қоныс аударушылар;
  • қандастар;
  • еңбекке қарсы көрсетілімдері жоқ мүгедектігі бар адамдар;
  • Гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз дара кәсіпкер ретінде грант алуға өтініш бергенге дейін тіркелген жағдайда мүгедектігі бар бала (мүгедектігі бар балаларды) тәрбиелеп отырған адамдар және оның жұбайы.

Оқи отырыңыз: 

"Бұл ретте тиісті қаржы жылының республикалық бюджеті туралы заңда белгіленген АЕК мөлшері қолданылады. Грант бір рет беріледі және нысаналы мақсаты бойынша қажетті еңбек құралдары, мүкәммал, технологиялық жабдық, жануарлар, мал, құстар, көшеттер, бұталар, тұқымдар, көшеттерді сатып алу, коммерциялық жылжымайтын мүлік объектілерінің, сондай-ақ сауда объектілерінің, оның ішінде сауда объектілерінің аумағында бастапқы бизнесті өткізуге арналған үй-жайларды, оның ішінде сауда объектілерін жалдау ақысын төлеу жалға алуға, пайдалануға, сенімгерлік басқаруға беріледі. Мұнымен қатар, жұбайынан, жақын туыстарынан еңбек құралдары, мүкәммал, технологиялық жабдық, жануарлар, мал, құстар, көшеттер, бұталар, тұқымдар, көшеттер сатып алынбайды, сондай-ақ бастапқы бизнесті іске асыруға үй-жайлар жалға алынбайды", – делінген құжатта. 

Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.

Құжат 18 сәуірге дейін қоғамдық талқылауға шығарылды. 

Жыл басынан бері 4 575 қандас тарихи отанына оралды: