Бүгінде өңірде қой тұқымдасына жататын сүтқоректілердің ең ірі түрі – арқарлардың саны 750-ге жетеді. Бұл туралы Pavlodarnews.kz жазды.

Өңірлік даму орталығында өткен облыстық орман шаруашылығы және жануарлар дүниесі аумақтық инспекциясының 2023 жыл қорытындысы туралы кеңесте Баянауыл ауданында арқарлар саны артқаны айтылды. 

"Арқарлар Баянауыл ауданында мекендейді. Жыл сайын популяциясы 1,4 пайызға өсуде", – деді Павлодар облыстық орман шаруашылығы және жануарлар дүниесі аумақтық инспекциясының басшысы Руслан Төлепбаев. 

Оның айтуынша, әдетте арқарлар таулардың биік нүктесінде жүреді. 

Оқи отырыңыз: Еділбай, Қаракөл, Меринос. Астанада асыл тұқымды қошқарлар аукционы өтеді

Халықаралық табиғатты қорғау одағының (IUCN) "Қызыл кітабында" арқарлар "жойылып кету қаупіне жақын" санатында тұр. Ал біздің ел аумағында кездесетін арқардың барлық түрі Қазақстанның "Қызыл кітабына" әртүрлі санаттар бойынша енген.