Жұмыс кестесін энергетика министрлігі бекітті. Зауыттың жұмысы 20 маусым мен 19 шілде аралығында уақытша тоқтатылады. Бұл туралы зауыттың баспасөз қызметі хабарлады. 

"Зауыт жұмысы тоқтайтын кезеңге жанармай мен дизель қоры жеткілікті мөлшерде жинақталған: жанармай қоры – 37 мың тонна, дизель қоры – 47 мың тонна. Бұл көлем кәсіпорынды жөндеу кезінде өнімді бірқалыпты жөнелтіп отыруға мүмкіндік береді", – делінген хабарламада. 

Кәсіпорынды күрделі жөндеу кезінде жұмыстың негізгі бөлігіне технологиялық жабдықтардың (құбырлар, пештер, бу құбырлары және т.б.) өнеркәсіптік қауіпсіздігін техникалық тұрғыдан куәландыру, жөндеу және сараптау кіреді.

Баспасөз қызметінің хабарлауынша, бұл жұмыстарды орындағанда зауыттың технологиялық объектілерін қолдануды толық тоқтату талап етіледі.

Оқи отырыңыз: Атырауда жылына 800 млн дәрі өндіруі тиіс зауыт ақыры бой көтермеді: 9 жылда бір инвестор табылмаған