Парижде ұлы ақын Абай Құнанбаевтың "Желсіз түнде жарық ай" әніне түсірілген анимациялық бейнебаян жарыққа шықты. Бұл туралы "Хабар 24" хабарлады.

Бейнебаянды қазақстандық Доминика Қыдырбаева бастаған 12 аниматор сегіз ай бойы түсірген. 

"Бұрын Абай туралы ешнәрсе білген жоқпын. Осы жобаның арқасында Қазақстан мәдениетімен жақын таныстым" – деді анимация жобасының мүшесі Клоэ Бенами. 

Оқи отырыңыз: "Адамдар өзінің кім екенін ұмыта бастады". Бейбітшілікке үндейтін жаңа бейнебаян

Бұл идеяны меценат Лариса Инджуджян қолдап, жобаға Қазақстаннан кәсіби музыканттарды шақырған. Бір жарым ғасырға жуық тарихы бар ән бейнебаянда қазақ тілінде шырқалды. Алайда, жоба мамандары үшін француз тіліне авторлық аударма да жасалды

"Қобыз, ұлттық қазақ өнерін насихаттайтын музыкант болғандықтан, жобаға қатысқаныма өте қуаныштымын. Қызықты жұмыс болды. Өйткені Абайдың шығармашылығы, оның әндері, мәдениетіміз басқа елдерде, шетелде насихатталып жатыр" – деді музыкант Ғазиза Ғабдрахимова. 

Оқи отырыңыз: Наурыз мерекесіне орай Димаштың бейнебаяны Мексика метросында көрсетіледі