Франция астанасында өтіп жатқан Олимпиада ойындарында садақ атудан Қазақстан ерлер құрамасы сынға түсті.  

Өкінішке қарай, отандастарымыз 1/8 финалдан аса алмады.

Отандастарымыз бұл бәсекеде Италия командасымен шеберлік байқасты. Ел намысын Ильфат Абдуллин, Дәулеткелді Жаңбырбай, Александр Еременко қорғады. Жарыстың негізгі уақытында жерлестеріміз жарысты 4:4 есебімен тең аяқталды.

Алайда қосымша уақытта қарсыластарына жол беріп алды.

Оқи отырыңыз: Париж Олимпиадасы: 29 шілдеде кімдер жарысқа шығады

Еске салайық, садақшыларымыз Олимпиада ойындарын ең бірінші болып бастаған болатын.

Олар 25 шілдеде рейтингтік раундта сынға түскен еді. Ильфат Абдуллин 29-орын (663 ұпай) алса, Дәулеткелді Жаңбырбай 22-орынға (668 ұпай), Александр Еременко 59-орынға (640 ұпай) табан тіреген еді.