Қазақстан тарапынан Каспий теңізінің пакеттік турлары ұйымдастырылуы мүмкін. Өйткені бірқатар Каспий маңы елдерінде құмар ойындарға тыйым салынады. Бұл туралы Мәдениет және спорт министрлігінің туристік саланы дамытудың 2023-2029 жылдарға арналған тұжырымдамасын бекіту туралы құжатында жазылған. 

Елде ойын бизнесі саласындағы қызметпен айналысуға 50 қолданыстағы лицензия бар, оның ішінде 6 казино, 10 ойын автоматтары залы, 26 букмекерлік кеңсе және 8 тотализатор. Онда 4 мыңға жуық жұмыс орны құрылған.

"Бүгінгі күні 8 тотализатордың ешқайсысында тіркелген салық салу объектілері жоқ, яғни іс жүзінде бұл бағыттағы қызмет жүзеге асырылмайды. Бұл мән-жайлар оларды Алматы облысының Қапшағай су қоймасының аумақтарындағы және Ақмола облысының Бурабай ауданындағы құмар ойын аймақтарына шығаруға байланысты. Сондай-ақ, бүгінгі таңда Қазақстанда 45 ипподром жұмыс істейді, оның 33-і мемлекеттік және 12-сі жеке меншік. Бұл ретте тек 4 ипподромның техникалық және инфрақұрылымдық жарақтандырылуы жарыс кезінде жарыстарды кәсіби ұйымдастыру және сапалы телевизиялық көрсетілімдер үшін қажетті шарттарға сәйкес келеді. Бұл ипподромдар қаржыландыру көзінің болмауына байланысты қиындықтарға тап болып отыр", – делінген құжатта. 
 

Оқи отырыңыз: Алтын-Емел мен Шоқанның жолы. Туризм ауылдар тұрмысын қалай өзгертіп жатыр?

Министрлік мәліметінше, осыған байланысты ипподромдар үшін қосымша қаржыландыру және коммерцияландыру көздерін құру және жалпы ат спорты индустриясын дамыту үшін жағдайлар жасау мақсатында ипподромдар аумақтарындағы тотализаторлардың қызметін шешу мәселесі пысықталмақ. 

"Туристік саланың бір бөлігі ретінде ойын бизнесін дамыту мақсатында пакеттік ұсыныстарды пысықтау қажет болады. Осындай ұсыныстардың бірі Қазақстан тарапынан Каспий теңізінің пакеттік турлар ұйымдастыру. Өйткені бірқатар Каспий маңы елдерінде құмар ойындарға тыйым салынады", – деп хабарлады министрлік. 

Тұжырымдама жобасы 3 наурызға дейін Ашық НҚА порталында онлайн талқыға ұсынылған.