Көкшетаудағы мектептердің бірінде дәретханаға бейнебақылау камерасы орнатылды, деп хабарлады 31 арнаның Информбюро ақпараттық бағдарламасы.

Бірақ бұл бастамаға ата-аналардың көбі қарсы. Олар бізден ешкім рұқсат сұрамады деп отыр.

Камералар N6 мектеп-лицейіндегі тек ұл балаларға арналған дәретханаға қойылған екен. Білім бөлімінің өкілдері бұл шара қауіпсіздік үшін жасалғанын айтады.

Себебі, әжетханада төбелес, әлімжеттік жиілеген. Оған қоса, мүлікті қирату деректері де азаймай тұр дейді мамандар. Осы тәртіп бұзушылықтың алдын алу үшін бейнебақылау камераларын орнатуға мәжбүр болдық деп отыр. Сонымен қатар құрылғы тек дәретхананың дәлізін ғана түсіреді екен. Сондықтан уайымдауға негіз жоқ. Ал ата-аналарға түсіндіру жұмыстары жүргізіліп жатыр.

Оқи отырыңыз: "Мектепте жарылғыш зат бар". ШҚО-да жалған хабарлама таратқан оқушы анықталды

"Алдында бірнеше оқиға болған. Баланың құқық бұзушылығы. Қазіргі таңда біз видео бәрін қарап шыққан кезде камералар тек әжетхананың кіреберіс жағын, қол жуатын жерді, есікті түсіреді. Ал жеке балалардың кабинкалары бейнеге түспейді", – деді Көкшетау қаласы білім бөлімі басшысының міндетін атқарушы Нажмиден Нұралин.