Қазақстан халық партиясының парламенттік фракциясы ел Конституциясына өзгерістер енгізу бойынша өз ұсыныстарын берді. Олардың негізгілеріне тоқталамыз:

  • Әйелдердің зейнет жасын 58-ге қайта түсіру. 
  • Кепілді әлеуметтік көмек. Яғни, азаматтарға жасына, ауруына, мүгедектігіне, асыраушысынан айырылуына және өзге де заңды негіздерге байланысты төменгі кепілді әлеуметтік көмек көрсету. 
  • Әрбір қазақстандыққа пайдалы қазба өндірісінен түскен табыстан үлес беру. 

Оқи отырыңыз: 

"Қазақстандықтардың жерге және жерасты пайдалы қазбалар өндірісінен табыс көруіне конституциялық құқығы боулы керек", – делінген партияның мәлімдемесінде.

  • Инфляцияның өткен жылғы көрсеткішінен жоғары деңгейде зейнетақы, шәкіртақы және жәрдемақыны міндетті түрде индекстеу. Партия өкілдері бұл мәселе парламент шешіміне тәуелді болмауы керектігін айтады.
  • Үкіметтік парламентке есептілігін конституциялық негізде бекіту.

ҚХП өкілдерінің айтуынша, егер министрлердің есебі бекітілмесе не оған парламент өкілдері сенімсіздік танытса, олар отставкаға кетуі тиіс.