2022 жылы Ханчжоуда өтетін Азия ойындарында стенд атудан Қазақстан әйелдер құрамасы алтын медаль жеңіп алды.

Стенд атудан скит бағдарламасы бойынша сынға түскен әйелдер құрамасы Әсем Орынбай, Зоя Кравченко, Ольга Панарина чемпион атанды.

Айта кетерлігі, отандық атқыштар жалпы 350 ұпай жинап, бірінші орын алып қана қоймай, Азия ойындарының рекордын орнатты. Олар Қытай (348 ұпай) мен Тайланд (342 ұпай) құрамаларынан оқ бойы озық шықты.

Оқи отырыңыз: Қазақстандық спортшылар Азия ойындарының алтын медалін қай спорт түрлерінен жиі жеңіп алады?

"Қыздарды осы тарихи жеңіспен құттықтаймын! Алтын медальдан басқа, біздің спортшылар да жаңадан жарыс рекордын орнатты, бұл жеңісті одан да әсерлі етеді. Естеріңізге сала кетейін, Алматы облысында стенд атудан Әлем Кубогында біздің құрама бірінші жалпы командалық орынға ие болған. Бүгін бүкіл Азия бұл табыстың кездейсоқ емес екенін түсінді", - деді Туризм және спорт министрі Ермек Маржықпаев.