5 маусымда "Қоғамдық пікір" институты "31 арнаның" тапсырысымен республикалық референдумға қатысушылар арасында экзит пол өткізді. Сұрауға 24 мың респондент қатысты.

Сауалнамада республикалық маңызы бар қалалар, облыс орталықтары, шағын қалалар және ауылдық елді мекендер қамтылды. Сауалнама 600 сайлау учаскесінде өткізілді. Сауалнама қателігі 2 пайыз шамасында.

Респонденттерге "Айтыңызшы, Сіз Конституцияға түзетулер енгізуді қолдадыңыз ба, әлде қарсы дауыс бердіңіз бе?" деген бір ғана сұрақ қойылды.

Бұл сұраққа респонденттердің 74,8%-ы Конституцияға енгізілген түзетулерді қолдадым, 25,2%-ы қарсы дауыс бердім деп жауап берді.

Экзитпол нәтижелері бойынша референдумға қатысушылар үлесі 70,1%-ды құрады.

Оқи отырыңыз: 

31 арна экзит пол мәліметтеріне сүйене отырып, референдумның болжамды нәтижесін Қазақстанда алғашқы болып жариялау үшін "Қоғамдық пікір" институтына зерттеу жасауға тапсырыс берген болатын.