2023 жылы Қазақстанға 9,6 миллион шетелдік турист келді. Бұл туралы ОКҚ брифингінде туризм индустриясы комитетінің төрағасы Нұртас Кәріпбаев мәлімдеді.

Оның айтуынша, бұл көрсеткіш 2022 жылмен салыстырғанда екі есе өскен. Ел ішінде саяхаттаған Қазақстан азаматтарының саны да 1 миллионға артты. 2023 жылдың қорытындысы бойынша отандық саяхатшылардың саны 9,6 миллион адамды құрады.

Оқи отырыңыз: Қажылық 2024: Сауд Арабиясы қажылықты туристік сапармен шатастырмауға шақырды

"Өткен жылдың қорытындысы бойынша туристік сала пандемиядан кейін толық қалпына келіп қана қоймай, туризмнің негізгі көрсеткіштері бойынша тарихи ең жоғары деңгейге жетті. Орналастыру орындары 229 миллиард теңгеден астам сомаға қызмет көрсетті, бұл 2022 жылғы көрсеткіштен 1,3 есе көп. Туризм саласынан бюджетке түсетін салық түсімдері 450 миллиард теңгені құрады, 2022 жылғы көрсеткіштен 64 миллиард теңгеге артық", – деді Нұртас Кәріпбаев.