Оқу-ағарту министрілігінің республикалық ғылыми-педагогикалық кітапханасында "Балалар кітапханасы" бағдарламасына ұсынылатын кітаптардың тізімі жасақталды. Бұл туралы министрліктің баспасөз қызметі хабарлады. 

Оған қазақ әдебиеті тарихының барлық дәуірі мен кезеңін, жанрлық бағыты бар 1 770 шығарма енді. Оның 76 пайызы — отандық, 24 пайызы — әлем әдебиетінің таңдаулы еңбектері. 

"Отандық шығармалар қатарына Абай Құнанбаев, Ахмет Байтұрсынов, Тахауи Ахтанов, Шерхан Мұртаза, Бердібек Соқпақбаев сында қаламгерлердің шығармалары енді. Ал әлем әдебиетінің тізімінде Эрнест Хеменгуэй, Джек Лондон, Рабиндранат Тагор, Александр Островский, Вальтер Скот, Михаил Лермонтовтың еңбектері бар.  Тізімді жасақтау үшін арнайы құрылған комиссия қазақ тілі мен әдебиеті пәні оқытушылары, мектеп кітапханашылары арасында жүргізілген сауалнама нәтижелерін ескерді", – делінген хабарламада.  

Оқи отырыңыз: "Абай жолы", "Бір атаның балалары". Оқушылар демалыста оқитын кітаптар тізімі қандай?

Министрліктің мәліметінше, қазіргі күні мектептердегі балалар әдебиетінің қоры – 40 миллионға жуық. Электрон мемлекеттік кітапхана қорының каталогына 150 жазушының еңбегі енді.

Оқи отырыңыз: "Балалар кітапханасы": Оқу министрлігі мектептерді көркем әдебиетпен қамтамасыз етеді