Ыбырай Алтынсарин атындағы Ұлттық білім академиясы тәрбие жұмысын тиімді ұйымдастыру мақсатында орта білім беру ұйымдары үшін жаңа оқу жылына арналған "Тоғыз ай – тоғыз іс-шара" жоспарын ұсынды, деп хабарлады Оқу-ағарту министрлігі. 

"Тоғыз оқу айы ішінде оқушылар тоғыз түрлі іс-шараларға қатысады. Жоспарды іске асыру – биылғы наурызда оқушылар арасында өткізілген "Күй күмбірі" республикалық домбырашылар челленджінің жалғасы. Барлық іс-шаралар ұлттық құндылықтар негізінде тәрбие процесіне бірыңғай көзқарасты қамтамасыз етуге бағытталған", –  деді Ыбырай Алтынсарин атындағы Ұлттық білім академиясының президенті Мадина Тыныбаева.

Оқи отырыңыз: Көлгінов тоғызқұмалақ пен асық атуды мемлекеттік қаржыландыру мәселесін қарастыруды тапсырды

Іс-шаралар келесі тәртіпте өткізіледі:

  • Қыркүйек – "Сергіту сәті";
  • Қазан – "Әнұран айту";
  • Қараша – "Асық ату";
  • Желтоқсан – "Шығарма жазу: болашаққа хат";
  • Қаңтар – "Қазақ есебі";
  • Ақпан – "Оқуға құштар мектеп";
  • Наурыз – "Домбырашылар";
  • Сәуір – "Тоғызқұмалақ, шахмат ойыны";
  • Мамыр – "Жасыл мекен".