Ақтауда қазақ-неміс инжиниринг институты ашылады. Бұл туралы Ақорданың баспасөз қызметі хабарлады.

Ақордада мемлекет басшысы Қасым-Жомарт Тоқаевтың арнайы шақыртуымен келген Германия Федеративтік Республикасының президенті Франк-Вальтер Штайнмайер бастаған неміс делегациясымен кездесу өтті. 

"Келіссөз үстелінде Yessenov University (YU) президенті Берік Ахметов пен Қазақстан-Неміс университетінің (DKU) президенті Роммель Волрад Ақтау қаласындағы Yessenov University базасында қазақ-неміс тұрақты инженерия институтын құру туралы келісімге қол қойды" – делінген хабарламада.

21 маусымда Германия президенті бастаған делегация Маңғыстау облысына барады.