Алматы полициясы 8 мың вейпті тәркіледі. Бұл туралы полиция департаменті бастығының орынбасары, полиция полковнигі Қуатбек Науатов мәлімдеді.

Мессенджерлер арқылы күдіктілер тауардың саны мен жеткізілетін мекенжайы көрсетілген онлайн тапсырыстар алып отырған. Сатып алушыға жеткізу курьерлік қызметтер арқылы жүзеге асырылды.

Оқи отырыңыз: Вейпке тыйым салынды: ІІМ Қазақстан азаматтарына үндеу жасады

"Вейп көпқабатты үйлердің жертөлесінде, компьютерлік клубтардың ішінде, бір сөзбен айтқанда, құпиялылық шараларын сақтай отырып орналастырылған. Бір кездері жұмыс істеген ресми дүкендер жабылғандықтан, онлайн түрде тыйым салынған вейптерді сату деректері бар. Тек кейінгі 24 сағаттың ішінде заңсыз айналымнан 8 мыңнан астам вейп пен оның құрамдас бөліктері тәркіленді", – деді Қуатбек Науатов.