Бүгінде елордада 5,5 мыңнан астам бос жұмыс орны бар. Орталықтың әлеуметтік желілердегі парақшасында күн сайын жаңартылып, соның ішінде мүмкіндігі шектеулі жандар үшін де жарияланады, деп мәлімдеді Астана қаласы әкімдігінің "Еңбек мобильділігі орталығы" КММ директоры Олжас Омар. 

Жұмыспен қамту аясында "Әлеуметтік жұмыс орындары" бағдарламасы азаматтарды бір жылға жұмысқа орналастырады. Жалақыны жұмыс беруші белгілейді және жартылай мансап орталығы жабады.

"Қазіргі уақытта 300-ден астам адам жұмыспен қамтылды. 50 жастан асқан тұрғындар үшін "Күміс жас" бағдарламасы бар. Бүгінгі таңда бағдарлама бойынша 780-ден астам адам жұмысқа орналастырылды. Маңызды бағыттардың бірі кадрларды даярлау және қайта даярлау. Кәсіптік оқыту оқу ұйымдарында жұмыс берушілердің сұранысы бойынша және жұмыс берушілердің жұмыс орнында жүзеге асырылады", – деді Омар Олжас. 

Оқу 1 айдан 6 айға дейін созылады. Оқушылар стипендия алады, ал жұмыс берушіден оқу кезінде – 20 АЕК жалақы алады. Бағдарламаға 100-ден астам адам қатысты.

Оқи отырыңыз: Қарағандыда үш айдан бері жалақы алмаған көмір фабрикасының жұмысшылары бас көтерді

Мұнымен қатар орталық директоры мансап орталығының халықтың әлеуметтік осал топтарына өз ісін ашуға гранттар бөлетінін хабарлады. 

"Оған қатысуға өтініштер business.enbek.kz. порталында қабылданады. Қабылдау ағымдағы жылдың 11 қыркүйегінде басталады. Биыл барлығы 132 грант беру жоспарлануда, оның 66-сы іске асырылды. Грант қаражатына қажетті инвентарларды, құралдарды, технологиялық жабдықтарды, жануарларды, малдарды, құстарды, көшеттерді, бұталарды, тұқымдарды, көшеттерді сатып алу, үй-жайларды жалға алу ақысын төлеу мүмкіндігі бар", – деді орталық өкілі. 

21 жастан 35 жасқа дейінгі жас кәсіпкерлерді қолдау елордада микрокредиттеу бағдарламасы шеңберінде жүзеге асырылады. Бағдарламаға жұмыс істейтін жастардың өкілдері қатыса алады.

Оқи отырыңыз: Мемлекет басшысы: NEET санатындағы жастардың арасындағы жұмыссыздыққа айрықша назар аудару қажет

Кезекті бос орындар жәрмеңкесі елордада 24 тамызда сағат 14.30-дан 17.00-ге дейін "Жастар сарайында" Республика даңғылы, 34 мекенжайы бойынша өтеді.