10 ақпанда Астанада "Болашақ" бағдарламасының инженерлік-технологиялық мамандықтары бойынша түлектеріне арналған бос жұмыс орындар жәрмеңкесі өтеді, деп хабарлады Цифрлық даму, инновациялар және аэроғарыш өнеркәсібі министрлігінің баспасөз қызметі.

Жәрмеңкеде IT, телекоммуникация, аэроғарыш және электрондық өнеркәсіп саласындағы 20-ға жуық компания "Болашақ" түлектеріне бос жұмыс орындары мен мансаптық мүмкіндік ұсынады. Олардың ішінде Қазақтелеком, QazInnovations, Қазпошта, Кселл, Tele2, Қазақстан ғарыш сапары, Astana Hub және тағы басқа компаниялар бар. 

Шараны Цифрлық даму және аэроғарыш өнеркәсібі министрлігі, Ғылым және жоғары білім министрлігі мен Халықаралық бағдарламалар орталығы ұйымдастырады.

  • Өтетін орны: Астана қаласы, Astana Hub, Мәңгілік ел даңғылы, 55/18, с-4.6 павильоны.
  • Уақыты: 2023 жылғы 10 ақпан, сағат: 14.00 – 17.00. 

Оқи отырыңыз: "Болашақ" стипендиясына 2023 жылы қай уақытта құжат тапсыруға болады?