Қырғызстанда тұрмыс құрмаған қыздарға қырындап, мазасын алған жігіттер қамауға алынуы мүмкін. Көрші елдің ішкі істер министрлігінің академиясы Парламентте осындай ұсыныс айтты, деп хабарлады 31-арнаның Информбюро ақпараттық бағдарламасы.

Министрлік өкілдері депутаттарға соңғы кездері қыздарды еркінен тыс мазалап, ізіне түсіп, аңдып, ақыры беймаз жігіттерден қайтіп қорғанарын білмеген бойжеткендердің қаза боп жатқанын мысал еткен. Сондай-ақ, олар "Тұрмыстық зорлық-зомбылықтан қорғау туралы" заңға өзгеріс енгізіп, атауына "әйелдерді зорлық-зомбылықтан қорғау" деген тіркес қосу қажет екенін айтады. Ал ұсынысқа сәйкес, мұндай қылмысқа барған азаматтар не 7 тәулікке дейін қамауға алынады, не 50 594 теңге көлемінде айыппұл арқалауы мүмкін.

Материалдың толық нұсқасын төмендегі видеодан көріңіз: