Қазақстанда жұмыс уақытын заңсыз созған жұмыс берушілер жауапкершілікке тартылады. Мұндай өзгерісті Сенат депутаттары мақұлдады, деп хабарлады 31-арнаның Информбюро ақпараттық бағдарламасы.

Егер жұмыс беруші өз қызметкерін келісімшартта көрсетілген кестеден бөлек уақытта жұмыста ұстаса алдымен ескерту алады. Егер жағдай қайталанса, лауазымды тұлға 40 айлық есептік көрсеткіш (116 680 теңге), ал шағын бизнес нысандары мен коммерциялық емес ұйымдар 175 020 теңге көлеміде айыппұл төлейді. Орта бизнес субъектілеріне салынатын айыппұл көлемі 80 айлық есептік көрсеткіш, яғни 233 360 теңге. Ірі кәсіпкерлік 350 мың 40 теңге төлеуге міндеттеледі.

"Құжатта еңбек құқықтарын заңнамалық тұрғыдан қорғау көзделген. Сондай-ақ, осы заң азаматтар мен билік мүдделерін қорғау үшін прокуратура және ішкі істер органдарының қызметінің тиімділігін арттыруға мүмкіндік береді", – деді Сенат төрағасы Мәулен Әшімбаев.

Оқи отырыңыз: Жұмыскердің құқығы: нені білу керек?

Материалдың толық нұсқасын төмендегі видеодан көріңіз: